Basque Observatory of Human Rights
Pokopandegi bidea 9-2°
20018 Donostia
Euskal Herria - Basque Country
2026ko urtarrilaren 28an, The Objective egunkariak Fernando Ruedaren artikulu bat argitaratu zuen, “ETAk ‘el Lobo’-ren aurka jarritako kereilan deklaratzea nahi dute” izenekoa.
Zuzentzeko eskubideari helduz, GEBehatokiak hedabide digitalari eskatzen dio argitara dezala erantsitako gutuna, artikuluaren izenburuan jasotako ETAren leporatzea zuzentzeko, lotura hori faltsuki egozten zaien pertsonen ohorea, irudia eta ospea babesteko.
Esan gabe doa kereila hau ETAri leporatzea, bere jarduera armatuaren amaieratik 15 urtera, kalumnia bat dela eta hedabideak aurreikusi behar zuela eta, beraz, argitaratzea eragotzi.
Errekerimendu hori bete ezean, GEBehatokiak eskubidea izango du beste ekintza batzuk egiteko, egia berrezartzeko eta eragindako pertsonen eta elkarteen duintasuna eta ospea babesteko.
Horri dagokionez, adierazi behar da Eusko Jaurlaritzako Giza Eskubide, Memoria eta Lankidetzako sailburuordearen 2023ko maiatzaren 15eko ebazpenean Josu Mugica giza eskubideen urraketen biktima gisa aitortzen dela.
Euskal Herriko Giza Eskubideen Behatokiak (GEBehatokia), Estatuari egotz dakizkiokeen giza eskubideen urraketen biktimen eskubideak zaintzeko sortu zen elkarte gisa, familiari lagundu zion kereila aurkezten, laguntza teknikoa, juridikoa eta humanoa emanez, eta ahal den kasu guztietan egiten jarraituko du.
Ez familia, ez 12/2016 Legearen Balorazio Batzordea, ez Eusko Jaurlaritzako Giza Eskubideen, Memoriaren eta Lankidetzaren sailburuordea, ezta GEBehatokia ez dira ETA.